Spektakli ‘Prime’ i kësaj të hëne ishte një mbrëmje e zjarrtë për banorët, si dhe gjithë teleshikuesit e shtëpisë më të famshme në gjitha trojet shqiptare, kudo që ndodhen, Big Brother VIP Kosova.
Nga dinamika në dinamikë, e shumë zhvillime interesante ndodhën përgjatë pothuaj pesë orëve, transmeton Klankosova.tv.
‘Prime’ nisi me ish-banoren e BBVK3, Lelën në studio, e eliminuara e javës së kaluar, e cila ka shprehur mirënjohjen e saj ndaj produksionit pasi tregoi se po merr shumë dashni jashtë formatit.
Më pas u shfaq klipi me Xuxin, i cili paraqiti gjendjen e banorit në mungesë të cigareve, dramë e madhe kjo që u krijua brenda shtëpisë e që përfshiu disa banorë tjerë në debatë të ashpra.
Debati jo vetëm që u zhvillua brenda shtëpisë, por edhe jashtë, pasi Xuxi u përplas kogja ashpër edhe me opinionistin në studio, Milaim Zeka.
E një tjetër dinamikë e cila çoi në këmbë shtëpinë përgjatë këtyre ditëve,e që u bë temë diskutimi gjatë ‘Prime’ ishte diktafoni i Vullnetit. Kjo pasi me anë të kësaj dhurate nga ‘ArtMotion’, ai sa futi në debat Drenushën dhe Xhenetën, ashtu bëri edhe me Rovenën dhe Xuxin.
Por më madhorja ishte ‘zbulimi’ i planit hakmarrjes së Gjestit karshi Xhenetës.
Rëndësi të veçantë iu kushtua natyrisht edhe raportit mes Xhenetës dhe Gjestit si dhe darkës që ata zhvilluan gjatë së shtunës me shumë të prapritura dhe dramat që pasuan pas kësaj darke.
Ndërkohë, momente tejet të bukura e emocionuese na dhuroi Gresa me linjën e jetës, si dhe surpriza të cilën Vëllai i Madh ia bëri asaj me sjelljen e prindërve si befasi.
Gjatë spektaklit u bë i ditur edhe kapiteni i javës i cili qe Fitimi. E për këtë ai kishte një avantazh për të çuar dikë në nominim, i njëjti zgjodhi Sarën që ta çojë direkt në nominim.
E gjatë këtij ‘Prime’ u hap edhe një televotim për të preferuarin, ku fitues ishte Gjesti, ndërkohë që dy banorët më pak te preferuar ishin Xheneta dhe dyshja Fitim&Laurent.
Një deklaratë krejt e papritur erdhi nga banorja Xheneta e cila gjatë nominimeve u shpreh se dëshiron të largohet nga ky format. Megjithatë e njëjta u ‘pendua’ duke i lënë vetes hapësirë të mendohet akoma.
Ndërkaq, si çdo të hënë, banorët dhanë dy emra dhe dy arsye për nominimet e tyre, të cilat u realizuan në dhomën e rrëfimeve.
Banorët nominuar të kësaj jave janë: Xheneta, Xuxi, Sara, Leo si dhe Laurenti&Fitimi./ Klankosova.tv.
Për më shumë detaje nga i gjithë spektakli LIVE, ndiqeni videon e mëposhtme të plotë:
