Njihet në përgjithësi si stomatolog i VIP-ave, madje sipas raportimeve edhe me pasuri milionëshe, është fjala për stomatologun Fehim Haliti, i cili para disa ditësh hapi një klinikë të re për mbjelljen e flokëve “Care and Hair Fix”.
Por kjo klinikë shpejt u mbyll përkohësisht nga Inspektorati Shëndetësor për shkak se e njëjta nuk kishte licencë për të ushtruar veprimtari shëndetësore.
Gazetari i Veriu.info ka qëndruar pranë kësaj klinike e cila është e mbyllur, ku në një letér në derë thuhet se për shkaqe teknike, por në fakt ai është mbyllur nga Inspektorati Shëndetësor.
Kjo është konfirmuar për Gazetën Online Veriu.info nga Inspektorati, të cilët në një pérgjigje për gazetën kanë thënë se ka konstatuar se subjekti në fjalë nuk posedon licencën e nevojshme për të ushtruar veprimtarinë shëndetësore.
Për këtë arsye, Inspektorati Shëndetësor ka marrë vendim për ndërprerjen e përkohshme të ushtrimit të veprimtarisë deri në licencimin e këtij institucioni.
“Gjithashtu, dëshirojmë t’ju informojmë se Inspektorati Shëndetësor ka konstatuar se në këtë klinikë kishte edhe staf të pa licencuar.” – thuhet në përgjigjen e Inspektoratit.
Në ceremoninë hapëse morën pjesë shumë figura të njohura të showbizit, pasi Fehim Haliti ka edhe një klinikë tjetër stomatologjike.
I njëjti para disa vitesh ishte akuzuar nga një mërgimtare për ngacmim seksual, por avokati i tij atë kohë kishte deklaruar se kallëzimi ishte hedhur poshtë.
Për më shumë ndiqni storien në këtë VIDEO
