Kosova U21 ka barazuar ndaj Sllovenisë U21 në “Fadil Vokrri” me rezultat 0-0 , në kuadër të kualifikimeve për Euro 2021.
Kjo ishte ndeshja e gjashtë e Kosovës në grupin G, ku ka marr deri më tani 7 pikë. Në pjesën e parë sllovenët kishin më shumë nga loja, por rrjetat mbetën të paprekura.
Edhe pjesa dytë nuk është se solli shumë raste nga të dyja anët, ku Kosova kishte më shumë nga loja. Por deri në fund nuk kishte gola dhe skuadrat u desh të kënaqen me nga një pikë. Albert Bunjaki ishte ai që udhëhoqi sot skuadrën shpresa, duke marr pikën e parë.
Ndeshjen nga afër e përcolli edhe Alain Giresse, përzgjedhësi i Kosovës A.
