Ish-deputeti i Vetëvendosjes, Visar Korenica ka komentuar anëtarësimin e Fatos Gecit, nipit të Gani Gecit në partinë “Guxo”.
Korenica ka shpërndarë edhe një postim të Fatos Gecit, në të cilët kishte “mallkuar” se si komandantët nuk i patën këmbët më të ngadalshme për t’u vrarë nga forcat serbe.
“çfarë mendje të ‘ndritur’ duhet njeri me pas me ua dashtë çlirimtarëve vdekjen nga çetnikët serb?”, ka shkruar Korenica.
“Njese, as Gërvalla so ma nom”, ka shtuar ai.
“Deri kur mo më këta komandanta të hamamit? Na keni shpifur, na keni lodhur, qysh bre si patet këmbet me të ngadalëshme e me ju vra shkijt e na kishit shliru po iket si leprat me shpejtesin e drites, e perfituat poashtu me shpejtesin e dritës”, kishte shkruar Fatos Geci më 24 shkurt të këtij viti në Facebook.
“Çdo dite po vjen koha e po e mësojme që ne Kosovë as 1.000 vete nuk kane luftu. E me dokumentacione 64.000 veteren, 64 mije qena, 64 mije hajna Ndër te parat që e kam votuar është Donika Gërvalla, për faktin që ju thotë ne sy drejtpërdrejt se pisa jeni”, kishte fyer ai.
Fatos Geci, njëri nga anëtarët e familjes së madhe nga Llausha e Skenderajt, i është bashkuar partisë ‘Guxo’ të drejtuar nga Donika Gërvalla e Faton Peci.
Bashkëkryetarja e ‘Guxo’, Donika Gërvalla bëri të ditur lajmin se Fatosi, i biri i Halil Gecit, i është bashkuar kësaj partie.
Sipas Gërvallës, ‘Guxo’ është trashëgimtare e denjë dhe e vetme e Ibrahim Rugovës.
Në njoftimin e saj, Gërvalla ka thurur lavde për Fatosin dhe familjen Geci.
