Pagat e ulëta në Kosovë dhe çmimet e larta të gjërave elementare janë shqetësimet kryesore të qytetarëve të Kosovës.
Por kjo nuk është problem edhe për pronarët e bizneseve të njohura në Kosovë të cilët i shohim duke bërë një jetë luksoze.
Vajza e Ramiz Kelmendit, biznesmenit të njohur kosovar e cila njëherit është pronare e një biznesi në Kosovë ka folur rreth kushteve të punëtorëve të saj.
Deri sa në një intervistë ajo është shfaqur me një orë Rolex dhe ka treguar se vozit Mercedes të vitit 2024, ka konsideruar se pagat në kompaninë e saj janë shumë të kënaqshme.
“Në kompaninë tonë pagat janë shumë të kënaqshme, në institucionet tjera nuk e di. Nëse një familjar paguhet 300-400 euro apo 500-600 dhe punojnë dy apo tre vetë, besoj qe është e mjaftueshme një buxhet dy mijë euro se Kosova nuk ka shumë shpenzime se është vend i vogël”, ka thënë Albulena Kelmendi në T7.
Ajo ka treguar se në kompaninë e saj ka më shumë të punësuara gra se burra.
