Kryeministrja e Italisë, Giorgia Meloni, njoftoi përmes një postimi në Facebook se ka zhvilluar një bisedë telefonike me presidentin e Francës Emmanuel Macron, kancelarin gjerman Friedrich Merz, presidentin finlandez Alexander Stubb, presidenten e Komisionit Evropian Ursula von der Leyen dhe presidentin ukrainas Volodymyr Zelensky, menjëherë pas përfundimit të telefonatës midis presidentit Donald Trump dhe presidentit rus Vladimir Putin.
Sipas Melonit, po punohet për nisjen sa më të shpejtë të negociatave mes palëve me qëllim arritjen e një armëpushimi dhe ndërtimin e kushteve për një paqe të drejtë dhe të qëndrueshme në Ukrainë.
Njoftimi i Melonit:
Në përfundim të telefonatës mes Presidentit Trump dhe Presidentit Putin, zhvillova një bisedë të re telefonike me Presidentin francez Emmanuel Macron, Kancelarin gjerman Friedrich Merz, Presidentin finlandez Alexander Stubb, Presidenten e Komisionit Evropian Ursula von der Leyen dhe Presidentin ukrainas Volodymyr Zelensky, së bashku me Presidentin e Shteteve të Bashkuara.
Po punohet për fillimin e menjëhershëm të negociatave mes palëve që mund të çojnë në një armëpushim sa më shpejt të jetë e mundur dhe të ndërtojnë kushtet për një paqe të drejtë dhe të qëndrueshme në Ukrainë.
Në këtë kuadër, është vlerësuar pozitivisht gatishmëria e Atit të Shenjtë për të pritur takime në Vatikan. Italia është e gatshme të japë kontributin e saj për të lehtësuar kontaktet dhe për të punuar për paqen.
