Mërgimtari dhe bashkëpunëtori i Albin Kurtit, Fatmir Hasani, nga Mitrovica por me banim në Angli, ka bërë të ditur se po përgatitet të hyjë në garë për kryetar të Komunës së Mitrovicës.
Ai ka thënë për “Jepi Zë” se ka marrë edhe përkrahjen e Kurtit për ta nisur këtë garë, ku beson se do të dalë fitues.
“Jo zyrtarisht, por jam në proces të zyrtarizimit. Jam në diskutime me Kurtin,” ka deklaruar Hasani.
Sipas tij, deri tani nuk ka kundërkandidat, pasi askush nuk i ka paraqitur ndonjë pengesë.
“Më kanë thënë se nuk ka kundërkandidat, por ta shohim,” ka përfunduar Hasani për Jepi zë.
