Një ditë pas takimit me presidentin amerikan Donald Trump në Shtëpinë e Bardhë, kancelari gjerman Friedrich Merz deklaroi se disa senatorë në Capitol Hill nuk janë të vetëdijshëm për shkallën e fushatës së riarmatosjes së Rusisë. Merz tha se u bëri thirrje senatorëve të vlerësojnë me kujdes prodhimin e armëve nga Rusia, duke theksuar se ata “nuk kanë asnjë ide” për situatën aktuale, shkruan Gazeta Sinjali.
Që nga fillimi i pushtimit të plotë të Ukrainës në shkurt 2022, Rusia ka intensifikuar prodhimin ushtarak, duke punuar në fabrikat 24 orë në ditë dhe duke nënshkruar marrëveshje armatimi me Kore të Veriut dhe Iranin. Kjo ka ngritur shqetësime në Evropë për një mundësi që Moska të jetë gati të sulmojë territor të NATO-s.
Megjithatë, Rusia vazhdon të mohojë planet agresive, duke e përshkruar operacionin në Ukrainë si një masë mbrojtëse kundër Perëndimit. Merz, që mori drejtimin e partisë konservatore në maj, është udhëheqësi më i fundit evropian që takohet me Trumpin, me synimin për të siguruar mbështetjen amerikane për Ukrainën dhe ruajtjen e sigurisë evropiane përmes NATO-s.
