Pas përfundimit të secilës palë të zgjedhjeve lokale, partitë humbëse bien në “gjumë dimëror”, duke mos u marrë me hallet e qytetarëve e as bërje të opozitës në mënyrë aktive.
Kjo ka ndodhur edhe në qytetin e Ferizajt në këto katër vitet e fundit, ku fitorja e fuqishme e Agim Aliut duket se e kishte demoralizuar opozitën, shkruan Veriu.info.
Mirëpo, siç ndodh zakonisht, me afrimin e fushatës zgjedhor, aktivizohen edhe partitë opozite, e sidomos kandidatët e tyre për kryetar.
Një shembull të tillë po e ndjek edhe kandidati i LDK-së për kryetar të Ferizajt, Visar Azemi, i cili në prag tē fushatës zgjedhore ka nisur të merret më aktivisht me hallet e qytetarëve.
Ai sot përmes një video ka kritikuar pushtetin lokal për mungesë të hapësirave gjelbëruese, duke thënë se kjo po ndikon në temperatura më të larta./Veriu.info
Video: KËTU
