Në një lëvizje të papritur, Microsoft ka njoftuar se do të heqë një nga funksionet më të përdorura të aplikacionit Microsoft Authenticator, një vendim që sinjalizon fundin e epokës së fjalëkalimeve tradicionale.
Microsoft Authenticator, një aplikacion falas i shkarkuar nga mbi 75 milionë përdorues, ndihmon në sigurimin e llogarive online duke shtuar një shtresë shtesë autentikimi, si dhe ofronte ruajtje dhe plotësim automatik të fjalëkalimeve. Por, kjo veçori po shkon drejt përfundimit.
Çfarë po ndryshon?
Nga 1 qershori 2025: përdoruesit nuk do të mund të ruajnë më fjalëkalime të reja në aplikacionin Authenticator.
Nga korriku 2025: funksioni që lejon plotësimin automatik të fjalëkalimeve të ruajtura do të ndalet.
Nga gushti 2025: të gjitha fjalëkalimet e ruajtura nuk do të jenë më të qasshme përmes aplikacionit.
