Milaim Kelmendi, kryetar i Federatës së Skijimit të Kosovës dhe një figurë e shquar në sportin kosovar, ka shpallur kandidaturën e tij për president të Komitetit Olimpik të Kosovës (KOK).
Me përvojë të gjatë në drejtimin e një federate të rëndësishme sportive dhe me një vizion të qartë për zhvillimin e sportit, burime të Veriu.info kanë bërë të ditur se ai pritet të ketë mbështetjen e rreth 70% të federatave sportive, një tregues i fuqishëm i besimit dhe përkrahjes së komunitetit sportiv në vend.
Nën drejtimin e tij, Federata e Skijimit ka shënuar përparime të rëndësishme, duke e bërë atë një lider të dëshmuar në fushën e menaxhimit sportiv.
Me këtë përvojë, Kelmendi synon të sjellë ndryshime pozitive në KOK, duke u përqendruar në rritjen e mbështetjes për sportistët, avancimin e infrastrukturës sportive dhe fuqizimin e pranisë së Kosovës në arenën ndërkombëtare./Veriu.info
