Qeveria e Kosovës do të mbulojë koston e policës kufitare për bashkatdhetarët tanë edhe sivjet.
Lajmin e dha Ministri i Financave, Hekuran Murati.
Përmes një postimi në Facebook, ai tha se për dallim nga dy vitet paraprake, kur polica e subvencionuar merrej në pikën kufitare, këtë vit ka ndryshuar procedura.
Ai ka treguar për dy hapat që duhet të ndjekin mërgimtarët.
Procedura vazhdon të jetë e thjeshtë dhe nuk ju merr kohë, e madje mund të evitoni edhe pritjet në kufi kur e bleni online para se të niseni.
Pasi ta keni blerë policën, ju mund të aplikoni për rimbursim të pagesës në formularin online të Ministrisë së Financave.
✅Hapi 1:
Para se të niseni për në Kosovë, policën kufitare mund ta bleni online përmes linkut më poshtë:
https://api.bks-ks.org/PolicaOnline/sq-AL
✅Hapi 2:
Pasi ta keni blerë policën, ju mund të aplikoni për rimbursim të kostos duke plotësuar këtë formular:
https://masa4-5.rks-gov.net
Sipas tij, Polica mund të blihet edhe fizikisht në pikat kufitare hyrëse, mirëpo, që të mos keni nevojë të prisni në kufi, e të mos shkaktohen kolona, rekomandohet që polica të blihet online para se të niseni për Kosovë.
“Mbështetja vlen për autoveturat për pasagjerë dhe motoçikletat, dhe rimbursimi bëhet për qëndrime deri në 3 muaj brenda vitit kalendarik.
PS. Rimbursimi mund të kërkohet për të gjitha policat që keni blerë nga data 1 janar 2022 e këtej, me kusht që periudha e tërësishme e mbulueshmërisë për një automjet të mos kalojë 3 muaj brenda vitit”, theksoi Murati.
