Mitrovica është shndërruar në një vend atraksioni jo vetëm për qytetarët e kësaj komune por edhe për shumë vizitorë tjerë nga Kosova dhe vendet tjera, shkruan Gazeta Online Veriu.info.
Tashmë ka shumë vende në Mitrovicë që janë apo shpejt do të bëhen sinonim i atraksionit.
Njëra nga këto vende është liqeni akumulues në Mitrovicë që është shndërruar lokacionin më atraktiv në Kosovë.
Me një pamje të mahnitshme dhe nën flladin e lehtë të lumit Ibër vizitorët shijojnë shëtitjen dhe kafen e shijshme të Mitrovicës.
E gjelbra është ajo që do më së shumti syri i njeriut e këtë e gjen pikërisht skaj ujit të pastër të Ibrit.
Qendra e qytetit të Mitrovicës së shpejti do të zbukurohet me qendrën më të madhe tregtare “Art Mall” me ariktekturë moderne nga investitorët Baruti Group dhe Baurti Invesment.
Lokacioni ideal mbrapa stadiumit “Riza Lushta”, Art Mall sjell qendrën tregtare me sipërfaqe 55,000 metra katrorë dhe me hapësirë afariste -30,000 metra katrore ku do të jenë pjesë shumë brende botrore të cilat do të jenë shumë shpejt afër jush me mbi 200 lokale.
Krijimi i hapësirave të parkingjeve ku janë duke u krijuar mbi 850 hapësira, e bënë të veçantë funksionimin e qendrës.
Art Mall sjell në qytetin e Mitrovicës dhe kineman e cila i mungon qytetit tasht ca kohë.
Kinemaja në Art Mall është e pasuruar me 392 ulëse dhe me teknologjinë më të avancuar.
Krahas këtyre atraksioneve qëndron edhe projekti i jashtëzakonshëm banesor “Amina” që po vazhdon të ndërtohet nga Ariani Company.
Ky është një kompleks banesash jashtëzakonisht i përshtatshëm për të jetuar.
Kjo, pasi kompleksi karakterizohet me ndërtesa vetëm pesë katëshe, ku në çdo kat, do të ketë vetëm nga tri banesa.
“Amina” është kompleksi më i madh banesor në Mitrovicë.
