Analisti Dibran Hoxha, tha se fushata e kryeministrit Kurti “s’ka kurfarë shije politike”.
Sipas tij, kryeministri Kurti po shihet “në një lloj sikleti”.
“Kur ja nisi me këto bërtima kryeministri dhe me një lloj sikleti, ish shumë e pakuptimtë. Pse ki nevojë me orientu fushatën në atë lloj polarizimi që veç e kemi pa sa e sa vjet. Kemi thanë që kur je në opozitë të justifikohet sepse lyp përballje dhe don më i mëshu pushtetit, ama kur je në pushtet me 51% mas 4 vitesh të plota është shumë e pakuptimtë”, tha Hoxha në Pressing.
Ai tha se fushata e Kurtit po bëhet sikur “kopsht zoologjik”.
“Fushata e kryeministrit është bërë si fushatë e një kopshti Zoologjik, dmth në një tubim në Gjilan nisi me një lloj vice çka nëse të shkelë kali, çka nëse të shkelë dhia…Sidoqoftë çka ish konkluzioni ndaj saj”, pyeti Hoxha.
“Nisi me aktru me atë me miza….”, shtoi ai.
“Ai tjetri thojke me espresso 70-she”, kritikoi Hoxha edhe Konjufcën për deklaratën me espressot.
