Tre persona janë arrestuar sot si të dyshuar për gjuajtje me armë zjarri, në rrugën “Ismet Ramadani” të Ferizajt.
Një lexues për Klankosova.tv ka dërguar pamje nga momenti i arrestimit të njërit prej të dyshuarëve.
Sipas pamjeve, i dyshuari është shtrirë në tokë dhe i janë vënë prangat nga një zytar policor.
Për rastin në fjalë, Klankosova.tv ka kontaktuar Kanun Veselin, zëdhënësin e Policisë së Kosovës për rajonin e Ferizajt, i cili ka thënë se janë konfiskuar edhe dy armë zjarri, ndërsa në vendin e ngjarjes janë gjetur edhe disa gëzhoja.
I njëjti ka shtuar se nga hetimet e para, nuk raportohet për persona të lënduar, dhe se hetimet për këtë rast po vazhdojnë.
VIDEO: KËTU
