Gazetari Gazmend Morina ka thënë se nuk beson që opozita do të bëjë koalicion me Albin Kurti.
Kryeredaktori i portalit Veriu.info, Gazmend Morina në emisionin “Raport” ka thënë se nëse del një qeveri nga kjo përbërje e Kuvendit do të jetë një qeveri e brishtë.
“Nuk shoh mundësi që ndonjëra prej subjekteve opozitare të bëjë koalicion me Albin Kurtin ose ky me ta, në cilën do formë mendojë që janë polarizu aq shumë, ku nga momenti që ju ka thënë “hajvana” ka përfunduar në këtë aspekt gjithçka, përveç nëse Albin Kurti arrin me peshku ndonjë deputet, siç pati ndodh me rastin e Adelina Graincës”, ka thënë Morina.
