Kryeredaktori i Gazetës Online Veriu.info, Gazmend Morina, ka komentuar zhvillimet e sotme në seancën konstituive të Kuvendit të Kosovës, ku ka thënë se Vetëvendosje po e gënjen popullin.
Sipas tij PDK, LDK, AAK dhe Lista Serbe i kanë gjithsej 58 deputetë, kurse janë edhe 62 deputetë tjerë, pra VV, NISMA dhe minoritetet jo serbe plus Rashiq, ku vetëm 52 prej tyre votuan pro komisionit për verifikim mandatesh.
Morina ka pyetur se ku i kanë votat e minoriteteve jo serbe, duke sugjeruar që problemin ta adresojnë aty.
Postimi i plotë:
Qe qysh sot VV po e rren popullin:
VV po thote qe PDK, LDK, AAK dhe Lista Serbe bllokuan kontituimin e Kuvendit, duke votuar kunder raportit te komisionit per verifikim te mandateve. Keto kater parti i kane 58 deputete.
Pra, jane edhe 62 deputete tjere. Edhe ashtu VV ka thane qe i ka numrat me kriju Qeverine pa keto parti, rrjedhinisht s’ki cka pret prej tyre.
Tash prej 62 deputeve (VV, NISMA, Minoritetet joserbe + Rashiq), vetem 52 votuan pro raportit te komisionit per verifikim te mandateve.
Ku i keni edhe 10 vota tjera? Kush prej minoriteteve joserbe nuk iu perkrahu? Aty adresojeni problemin!
Sidoqofte, pertej ketyre deklarimeve per poena politik dhe manipulim te mases, kjo eshte ashiqare deshtim i Albin Kurtit ne raport me partneret e tij, qe sot e lane ne lloq.
Andaj, mos e rreni popullin, kallxoni drejt qe sot nuk i keni pasur 61 numra per verifikim te mandateve, rrjedhimisht as per votimin e kryetarit te Kuvendit.
