Motrat e njohura të ekranit shqiptar, Luana dhe Marina Vjollca, kanë ndarë me ndjekësit e tyre disa momente të ngrohta dhe plot jetë nga pushimet që po shijojnë në jug të Shqipërisë.
Në një seri fotosh të publikuara në llogaritë e tyre zyrtare në Instagram, dyshja shfaqet duke u relaksuar nën diell.
Me mbishkrimin “Shoqe shoqe kallamoqe”, Luana dhe Marina rikujtojnë edhe njëherë lidhjen e fortë që kanë jo vetëm si motra, por edhe si mikesha të pandara.
Foto: Marina & Luana Vjollca/Instagram
E veshur me një rrobë banje të kuqe të ndezur, Luana spikat me stilin e saj seksi dhe modern, ndërsa Marina, me një bikini të kuqe dhe bluzë të thurur “crochet” të bardhë, shton një prekje bohemie në atmosferën verore.
Foto: Marina & Luana Vjollca/Instagram
Aksesorët si kapela kashte, syzet retro dhe çantat elegante plotësojnë pamjen e tyre plot shije dhe klas.
Mbi rërë, përpara shkëmbinjve dhe detit, motrat Vjollca na sjellin një ansambël imazhesh që mishërojnë esencën e pushimeve perfekte: bukuri, relaks, motërzim dhe dashuri për jetën.
