Ministria e Punëve të Jashtme ka thënë se është përmbyllur me sukses evakuimi i disa kosovarëve nga Izraeli, përmes Jordanisë dhe Egjiptit.
Në një njoftim për media, MPJD ka thënë se “po ndjek nga afër” rastin e një shtetaseje kosovare që ndodhet pëer trajtim mjekësor, ku atje është raportuar pëer sulm.
“Ndërkohë, MPJD po ndjek nga afër rastin e një shtetaseje të Kosovës që ndodhet në trajtim mjekësor në spitalin “Soroka” në qytetin Be’er Sheva, ku së fundmi është raportuar për një sulm. Fatmirësisht, ajo nuk ka qenë e pranishme gjatë sulmit dhe ndodhet në gjendje të mirë shëndetësore. Ambasada e Kosovës në Izrael është në kontakt të vazhdueshëm me familjen e saj dhe po punon për realizimin e evakuimit të tyre sapo të krijohen kushtet përkatëse.
Gjithashtu, një qytetar tjetër i Kosovës është aktualisht në proces të largimit nga Izraeli përmes Egjiptit, me mbështetjen e Ambasadës” – thuhet në njoftim.
Tutje bëhet me dije se në territorin e Izraelin ndodhen edhe 13 qytetarë të Kosovës, të cilët nuk kanë shprehur interesim për evakuim.
“Sipas të dhënave të fundit të Ambasadës së Republikës së Kosovës në Izrael, në territorin izraelit ndodhen edhe 13 qytetarë të tjerë të Republikës së Kosovës, të cilët deri më tani nuk kanë shprehur interesim për evakuim” – thuhet tutje.
