Shenoll Muharremi ka reaguar me shqetësim lidhur me çmimet ekstremisht të larta dhe të pashpjegueshme për bartjen e energjisë në Kosovë më 24 dhjetor 2024, gjatë orës 10:00 deri në 18:00, ku çmimi për kapacitetin e transmetimit ka arritur në 798 euro për MWh, nga një nivel i zakonshëm prej vetëm 2 euro për MWh.
Muharremi e cilëson këtë situatë si “çmendurisht abnormale, të dyshimtë dhe me përfitime spekulative”, duke kërkuar hetim të plotë dhe transparencë maksimale institucionale.
Ai thekson se vetëm gjatë një ore janë realizuar përfitime prej 167,647.20 euro, ndërsa për gjashtë orë shuma shkon në rreth 1 milion euro.
“Kam analizuar të njëjtën periudhë në Shqipëri, Maqedoni dhe Bosnje-Hercegovinë – askund nuk ka ndodhur precedent i tillë. Dyshohet për keqmenaxhim, manipulim dhe mungesë të plotë transparence nga institucionet përgjegjës”, thotë Muharremi.
“Pse nuk ka pasur ndërhyrje të rregullatorit publik, ZRRE, kur këto raste janë përsërtur disa herë gjatë vitit? Përfitimet gjatë kësaj periudhe për një orë janë €167,647.20, ndërsa totali për vetëm 6 orë është 1 milion euro. Ky është vetëm një shembull nga shumë tjerët. I kam shiqu transakcionet, të njejtën kohë dhe orë, edhe për Shqipëri, Maqedoni dhe BiH. Nuk ka kësi lloj precedani askund. Ndoshat kjo i ka thy edhe rekordet europiane të krizave më të larta. Ka dyshme të thella se ka keqmenaxhim, manipulim dhe mungesë transparence”.
“Të gjithë duhet të vlerësojnë ndikimi e këtyre dyshimeve në rritjen e kostos së energjisë. Një ndër arsyet kryesore pse është kërku rritja e cmimit të energjisë ka qenë rritja e importit? A është rritje e kostos së importit apo një abuzim i paprecedan me një gjendje monopoli të pakontrolluar nga institucionet?
Duhet të pubikohen të gjithë pjesëmarrësve dhe ofertat në ankande për këto ditë me çmime ekstreme. A e paguajnë konsumatorët finalë në Kosovë këtë skandal potencial?”, thotë ai.
