në ekzekutimin e pagave, ka njoftuar se një pjese të punonjësve të Komunës së Vitisë ende s’ua ka dhënë rrogën mujore.
Në komunikatën e ministrisë që udhëhiqet nga Hekuran Murati kanë thënë se kjo komunë s’e ka siguruar buxhetin e nevojshëm. Kujtojmë se kjo komunë udhëhiqet nga Sokol Haliti i LDK’së., shkruan Insajderi.
“Përkundër që buxheti për paga ndahet asisoj që të mbulojë shpenzimin për tërë vitin, si pasojë e rasteve përmbarimore, disa komuna kanë filluar të kenë mungesë buxheti në kategorinë e pagave qysh tani. Thesari i Kosovës ka njoftuar me kohë komunat të cilat janë ballafaquar me këtë problem që të bëjnë korrigjimet dhe përshtatjet e nevojshme për të siguruar buxhet të mjaftueshëm për ekzekutimin e pagave të muajit shtator, dhe të gjitha komunat e kanë bërë përpos njërës”, thuhet në njoftimin e ministrisë.
“Komuna e vetme që nuk e ka bërë këtë rregullim është Vitia, e cila ka lënë programet e arsimit fillor dhe të mesëm pa buxhet të mjaftueshëm për ekzekutim të pagave të shtatorit.
Me qëllim që të mundësohet ekzekutimi i pagave për të gjithë punonjësit e komunës, Thesari i ka dërguar në vazhdimësi njoftime Komunës së Vitisë, përfshirë edhe ditën e djeshme, të cilëve u është dhënë mundësia gjatë gjithë ditës duke i pritur që t’i bëjnë rregullimet e nevojshme për të siguruar buxhet të mjaftueshëm për ekzekutim të plotë të pagave
Megjithatë, zyrtarët e Komunës së Vitisë nuk kanë reflektuar, gjë që nënkupton se kur është bërë ekzekutimi i pagave sot, sistemi me automatizëm i ka refuzuar ekzekutimet për programet që nuk kanë buxhet të mjaftueshëm”, thuhet ndër të tjera në njoftim.
Ministria e Financave shton se pret që komuna e Vitisë të bëjë përshtatjen e nevojshme në mënyrë që të ekzekutohen pagat për këto dy programe.
