Deputetja e PDK-së, Ganimete Musliu, ka kritikuar ashpër vizitën e Albin Kurtit në Greqi.
Sipas saj, forumet e tilla janë pa asnjë ndikim për shtetin e Kosovës.
“Pjesëmarrja e Kurtit me kosto akomodimi prej min. 700-euro nata, ngre dyshime për keqpërdorim të fondeve publike, veçanërisht kur Kosova po përballet me sfida te renda ekonomike (16.6% varfëri dhe 16.3 papunësi) dhe politike (pa kuvend, pa qeveri, pa institucione)”
“Katundi digjet K….* krihet”
Bazuar në informacionin e disponueshëm dhe kontekstin e Simpoziumit të 27-të ndërkombëtar te Symi ne Skiathos, ngjarje kjo e cila shënoi 20 vjetorin e UNAOC dhe u fokusua në tema globale si “Navigating Multipolartiy: Rethinking Multilaterism for a Fregmented World”, ku po merr pjesë Albin Kurti nuk është aspak relevant për Kosovën.
I gjithë organizimi duket më shumë si një platformë celebruese (sepse kjo organizatë duhet të vijë disi deri të fondet) sesa si një mundësi konkrete për të adresuar çështjet kryesore te Kosovës dhe për të gjetur mbështetje për zgjidhjen e shumë sfidave me të cilat po përballet Kosova.
Pjesëmarrja e Kurtit me kosto akomodimi prej min. 700-euro nata, ngre dyshime per keqpërdorim të fondeve publike, veçanërisht kur Kosova po përballet me sfida te renda ekonomike (16.6% varfëri dhe 16.3 papunësi) dhe politike (pa kuvend, pa qeveri, pa institucione).
Forumet e tilla, pa ndikim te qartë në normalizimin e marrëdhënieve të Kosovës me shtetet e tjera, njohjeve të reja apo integrimit të Kosovës në BE, bëhen vetëm për tangërllëk personal dhe pushime luksoze të Albinit, në kurriz të buxhetit publik të Republikës së Kosovës.
Natyrisht që për të zhvendosur vëmendjen nga sjelljet e Albin Kurtit i cili po i ikë përgjegjësisë politike duke keqpërdorur edhe paranë publike, militantët e tij mundohen të na e shesin këtë pushim luksoz të guru-t të tyre si një e arritur shtetërore, por kësaj i thonë thjeshtë: “Katundi digjet K….* krihet”.
Faktet flasin me gjuhë të pandikuar për mungesën e transparencës lidhur me qëllimin dhe financimin e udhëtimit. Prandaj edhe i ka kapur siklet i madh sejmenët e VV-së në krye me kapuçkuqen greke, sepse po shihet shumë qartë që ky udhëtim nuk i leverdisë asgjë Kosovës. Thënë troç, ky udhëtim është një pushim luksoz për Albinin dhe personat që ai i takon atje nuk janë miq të vendit tonë.
Dhe kjo duhet ndjekur me seriozitet nga organet përgjegjëse.
