Deputetja e PDK-së, Ganimete Musliu, ka deklaruar se Hashim Thaçi ishte më krenar dhe më dinjitoz kur u largua nga Presidenca – për t’u përballur me drejtësinë, sesa kthimi i Vjosa Osmanit në shtëpinë e saj.
Sipas Musliut, dinjiteti nuk matet me djalë, viktimizim e as propagandë.
“Ardhja e Hashim Thaçi në pozitën e Presidentit ishte festë, me prezencë të liderëve politikë botërorë, dhe miqve të Kosovës nga e gjithë bota.
Largimi i tij, padrejtësisht, nga kjo pozitë nuk e gjunjëzoi, ai doli ballëlartë, stoik dhe dinjitoz.
Vjosa Osmani erdhi në Presidencë me përplasje e inate politike dhe, me të njëjtën frymë, me përplasje e inate politike, edhe u largua sot prej saj” shkroi Musliu.
Ky është postimi i plotë i saj:
Pushteti nuk i rri mirë atij që nuk e meriton dhe as atij që nuk di ta mbajë me dinjitet.
Më krenar e më dinjitoz ishte largimi i Hashim Thaçi nga Presidenca për t’u përballur me drejtësinë, në mbrojtje të luftës së UÇK-së në Hagë, sesa kthimi i Vjosa Osmanit në shtëpinë e saj.
Dinjiteti nuk matet me fjalë, me viktimizim apo propagandë, por me përgjegjësi. Nuk matet me retorikë, por me guximin për t’u përballur me sfidat, pa u fshehur pas justifikimeve.
Ardhja e Hashim Thaçi në pozitën e Presidentit ishte festë, me prezencë të liderëve politikë botërorë, dhe miqve të Kosovës nga e gjithë bota.
Largimi i tij, padrejtësisht, nga kjo pozitë nuk e gjunjëzoi, ai doli ballëlartë, stoik dhe dinjitoz.
Vjosa Osmani erdhi në Presidencë me përplasje e inate politike dhe, me të njëjtën frymë, me përplasje e inate politike, edhe u largua sot prej saj.
Historia i njeh mirë momentet kur liderët zgjedhin rrugën e vështirë, atë të përballjes dhe të sakrificës, e jo të rehatisë.
Dhe pikërisht aty bëhet dallimi mes atyre që mbajnë peshën e vendimeve të mëdha dhe atyre që vetëm e shfrytëzojnë pushtetin.
Ditë të mira për Kosovën po vijnë ka mbetur edhe pak kohë!
