Pasi Neziz Kraki e gjeti veten në një predikament të madh se a është apo nuk është profesor në kuptimin e plot të fjalës në Paris, në ndihmë i doli hiç më pak se rekrutuesja e tij politike, Donika Gërvalla.
“Gënjeshtra” dhe “sulme”, i quajti Gërvalla pyetjet e panelistëve të Pressing-ut, të cilët provuan ta sqarojnë gradën dhe të qëndruarin akademik të Krakit, i cili vetë e pranoi se është “i ngarkuar me mësimdhënie”; për çka për Nacionalen sqaroi më herët se “kurrë s’kam thënë që jam profesor në kuptimin francez të fjalës”.
Postimi i Gërvallës:
I mençur, i ditur, i kulturuar, me njohuri kaq të gjithanshme.
Prof. Nezir Kraki përballë pesë “analistëve”, thjesht i jashtëzakonshëm.
Argumentet e mençura përballë sulmeve, gënjeshtrave, gjithmonë fitojnë. Prandaj zhurma dhe injoranca përballë një profili të tillë thjesht nuk kalon.
P.s. Më duhet të pranoj që Ilir Mirena sonte po duket më mjerani prej tyre, por nuk jam e vetmja që nuk po befasohem.
