Kryeministri aktual, Albin Kurti, edhe në opozitë edhe në fushatë e shihte shëndetësinë si njërën nga prioritetet e qeverisjes së tij.
Madje në prezantimin e programit për shëndetësi gjatë fushatës Kurti menjëherë pas Arben Vitisë e shihte Sylejman Mehollin që mbajti për një kohë pozitën e drejtorit për Shëndetësi në Vushtrri.
Kurti thoshte se me Arben Vitinë në Prishtinë e Sylejman Mehollin në Vushtrri Vetëvendosje ka dëshmuar se problemet e shëndetësisë janë të zgjidhshme.
Meholli aktualisht është kryetar i qendrës së Vetëvendosjes në Vushtrri, i zgjedhur në zgjedhjet e fundit të brendshme të kësaj partie.
Kujtojmë që dje ka dhënë dorëheqje ministri i Shëndetësisë Rifat Latifaj.
Para Latifajt pozitën e ministrit e mbante Arben Vitia që dha dorëheqje për të kandiduar për kryetar të kryeqytetit.
VIDEO: IMG_9436
