Kryeministri në detyrë, Albin Kurti, si dhe presidentja Vjosa Osmani u ndërprenë përgjatë deklarimit të tyre pas homazheve në Kompleksin Memorial të Reçakut në përvjetorin e Masakrës së Reçakut nga një i moshuar.
Ndër të tjera, i moshuari kritikoi se si askush nga Reçaku nuk punon në komunën e Shtimes, e cila udhëhiqet nga Qemajl Aliu i Lëvizjes Vetëvendosje, shkruan Insajderi.
“Ju po folni, a s’po i vetni këta të Reçakut që i kanë pa, hiç asnjë. Ku o Reçaku, s’është sot kurrkund hiç. As në komunë nuk është asnjë i Reçakut”, deklaroi ndër të tjera i moshuari.
As Kurti e as Osmani as s’i kthyen përgjigje e as nuk e komentuan këtë situatë.
