Që nga viti 2004 mbi 250 persona kanë humbur jetën si pasojë e aksidenteve në vendin e punës. Por duket se këto shifta kanë vlerë vetëm statistikore për ndërtuesit në Kosovë.
Përgjatë viteve është raportuar për personat që kanë humbur jetën në vendin e punës, se dominojnë rastet e mungesës së sigurisë në vendin e punës.
Lexues të Veriu.info kanë raportuar se një objekt banesor në Mitrovicë po ndërtohet pa krijuar kushtet e parapara ligjore për marrjen e masave të sigurisë.
Fjala është për objektin e kompanisë “Remo com” që po ndërtohet pranë rrugës “Mbretëresha Teutë” në Mitrovicë, ku në pjesë e pasme të saj nuk janë vendosur mjaftueshëm skele.
Foto: Pjesa prapa
Faktikisht skele janë vendosur vetëm në një pjesë të katit të sipërm, por jo nga posht – lartë, sikurse që në këtë objekt janë vendosur në pjesën ballore e cila shihet nga qytetarët. Pra, në pjesën prapa të saj, ku edhe ka qarkullim minimal vetëm prej disa banorëve, nuk janë vendosur skelet sikurse në pjesën ballore që shihet nga rruga kryesore.
Foto: Pjesa ballore, e cila shihet nga rruga
Po ashtu pjesë që s’janë me mure nuk janë izoluar siç edhe është obligim, duke rrezikuar sigurinë e punëtorëve.
Përderisa rrjet mbrojtëse të gjelbërt në objektin e “Remo com” është vendosur vetëm në një hapësirë shumë të vogël në pjesë ballore./Veriu.info
