Deputeti i PDK-së, Artan Behrami, ka thënë se në rastin e vdekjes së Haxhi Thaçit, babait të ish-presidentit Hashim Thaçi, komuna e Skenderajt ka marrë vendim që varrimi të bëhet me ceremoni shtetërore.
Behrami tha se familja Thaçi ka pasur shpresë që ndoshta ish-presidenti Thaçi mund të lejohet të marrë pjesë në ceremoninë e varrimit.
“Po, familja Thaçi ka pasur shpresë që ndoshta presidenti Thaçi mund të lejohet, për shkak edhe të gjendjes së tij dhe se u bë një presion i madh publik edhe ka pasur shpresa që ndoshta mund të lejohet ardhja e presidentit Thaçi”.
“Dhe për të krijuar kohë, Haxhi Thaci është mbajtur në morg dhe të nesërmen është varrosur me ceremoni shtetërore. Gjithçka ka shkuar shpejt, koha i është dashur komunës për organizimin e një ngjarjeje të dinjitetshme”, tha Behrami në “Info Magazine”
Më tej, ai tha se nuk është në dijeni për mënyrën se si i ishte komunikuar lajmi ish-presidentit Thaçi për humbjën e të atit, por tha se solidarizimi i qytetarëve me familjen ishte i jashtëzakonshëm.
“Solidariteti nga qytetarët e Kosovës është parë, empatia e tyre ka qenë shumë e madhe, solidarizimi i tyre me bashkëndje me familjen ka qenë i jashtëzakonshëm. Kanë ardhur mbi 60 mijë qytetarë në të pame, ka pasur shumë interes edhe prej shteteve të tjera”.
“Ka pasur telegram ngushëllimi nga kryeministri, presidentja, ndërsa për vizitë ishte kryetari i kuvendit, Glauk Konjufca”, tha ai.
