Nënkryetari i LDK-së, Lutfi Haziri, ishte mysafir në Podcast-in “Përballje me Gazin” që prodhohet nga Veriu.info dhe Veriu TV me autor Gazmend Morina.
Haziri ka folur edhe për mos përfshirjen e Agim Veliut në listën e kandidatëve të LDK-së për deputetë, duke thënë se mos kandidimi i tij erdhi si pasojë e mos propozimit nga dega e Podujevës.
“Krejt kjo ka të bëjë me mënyrën dhe modalitetin që ne kemi bërë në nivele të brendshme të partisë, ku fatkeqësisht dega e Podujevës nuk e kandidu. Agim Veliu ka pas vullnet dhe gatishmëri me u kandidu, por s’ka gjet mbështetje për kandidim”, ka thënë ai. (Shikojeni KËTU)
Intervista e plotë me Lutfi Hazirin transmetohet të shtunen në ora 18:00 në kanalin e Veriu TV në Youtube.
Ndryshe, Veriu.info më 24 tetor kishte raportuar se Lumir Abdixhiku po planifikon që ta lë Agim Veliun jashtë listës së kandidatëve për deputetë.
EKSKLUZIVE: Lumir Abdixhiku pritet të lë jashtë listës për deputetë Agim Veliun
