Kryetari Bedri Hamza së bashku me nënkryetarin Arian Tahiri, kryesuesen Vesa Broja dhe ekzekutivin e Mitrovicës kanë bërë homazhe në varrezat e dëshmorëve me rastin e 14 vjetorit të pavarësisë së Kosovës, raprton Gazeta Online Veriu.info.
Nënkryetari Tahiri e ka cilësuar 17 shkurtin si momentin që i dha jetë dëshirës së hershme të popullit tonë për liri dhe përparim.
Postimi i plotë i nënkryetarit Tahiri:
Urimet më të përzemërta të gjithë qytetarëve të Republikës së Kosovës në 14- Vjetorin e Pavarësisë!
17 shkurti i vitit 2008 i dha jetë dëshirës së hershme të popullit tonë, ëndrrës së luftëtarëve e martirëve për liri, mëvehtësi, dhe përparim.
Sot përulemi të gjithë me nderimin më të thellë duke kujtuar dëshmorët dhe përpjekjet shumëvjeçare të popullit për liri dhe pavarësi, vlerësojmë po ashtu, mbeshtetjen e çmuar e të vazhduar të miqve e aleatëve, Shteteve të Bashkuara të Amerikës, NATO-s dhe Bashkimit Europian.
Festa e Kosovës është festë e mbarë kombit shqiptar.
