Kur hyjmë në marrëdhënie, ne shpesh mbështetemi në tërheqjen fillestare, por kjo nuk mjafton për një marrëdhënie afatgjatë dhe të qëndrueshme, thotë këshilltari për marrëdhënie, James Allen Hanrahan.
“Tërheqja, është vetëm hapi i parë dhe lidhja e vërtetë kërkon diçka më shumë”, tha ai për YourTango.
Ai shton se në mënyrë që marrëdhënia të përparojë dhe forcohet, është e rëndësishme të kuptojmë se si burrat ndërtojnë lidhje më të thella me njerëzit që janë të rëndësishëm për ta, shkruan Index.hr.
“Burrat lidhen ndërsa ndërtojnë të ardhmen me ju. Përmbledhja e ‘Doracakut të fillimit të marrëdhënieve’ shpjegon rëndësinë e ndërtimit të përparimit dhe miqësisë duke u takuar më shpesh me njëri-tjetrin dhe duke u përfshirë në jetën e tyre të përditshme”, shpjegon ai.
Ai tregon se një mashkull që është i gatshëm të përparojë në një lidhje do të fillojë menjëherë të planifikojë gjëra të ndryshme dhe të na pyesë se si ndihemi për këto plane.
Sheh të ardhmen afatgjate
“Kur burrat angazhohen për një partner, ata lidhen me të, siç tregojnë studimet. Kjo ndodh kur ai fillon të flasë për planet afatgjata dhe kur ju prezanton me familjen dhe miqtë. Ju bëheni pjesë e jetës së tij, dhe përfundimisht, kur ai propozon, do të vini re se ai dëshiron të marrë më shumë përgjegjësi në marrëdhënie, kjo do të thotë se ai ju përfshin në vendimet e tij dhe ju kërkon mendimin tuaj”, thekson këshilltari.
Me fjalë të tjera, ai dëshiron të ndërtojë një jetë të përbashkët me ne.
