Avokati Arianti Koci sot ka paralajmëruar një aksion simbolik në hyrje të Kuvendit të Kosovës.
Duke shprehur pakënaqësinë e tij me ngërçin politik, ai ka bërë me dije se sot në ora 11:00 do të “mbyll” hyrjen e Kuvendit.
Në profilin e tij në “Facebook”, ai ka shkruar se deputete nuk duhet të dalin pa marrëveshje politike nga seanca që do të mbahet sot.
“Sot, në ora 11:00 – ua mbyllim derën deputetëve! Deputetët futen në Kuvend – për herë të 27-të. Por sot, nuk kanë të drejtë me dalë pa marrëveshje politike. Kjo lojë me durimin e popullit duhet të marrë fund”, ka shkruar ai, duke i ftuar qytetaret që t`i bashkohen në këtë aksion.
“Ju ftoj që nga ora 10:30 të mblidhemi para hyrjes së Kuvendit. Në ora 11:00 do ta mbylli derën me një fjonge – si simbol i bllokimit moral. Nuk ka dhunë. Nuk ka tension. Ka vetëm përgjegjësi! Ftoj edhe mediat që na përkrahin, dhe Policinë e Kosovës që të na mundësojë protestën e qetë – ashtu siç e parasheh Kushtetuta”, ka shkruar Koci.
