Kandidati për kryeministër nga Partia Demokratike e Kosovës, Bedri Hamza ka uruar ish-presidentin Hashim Thaçi për ditëlindje.
Hamza në një shkrim në Facebook, ka thënë se kjo është një ditëlindje tjetër larg familjes.
“Një ditëlindje tjetër e presidentit në Hagë. Një ditëlindje tjetër larg familjes, miqve dhe Kosovës, atje ku tani po peshohet historia jonë me padrejtësitë mbi ata që i bartën proceset kryesore nëpër të cilat kaluam si vend e popull.
Gëzuar ditëlindjen, PRESIDENT! U gëzofshim sa më shpejt të gjithë, ju, ne e Kosova, me lirimin dhe rikthimin tuaj në mesin tonë!” – shkroi ai.
