Presidenti Putin zotëron një rezidencë të fshehtë luksoze afër kufirit të Rusisë me Finlandën. Super vila përmban një fermë troftash dhe një ujëvarë që u vjedh nga një park kombëtar, sipas një media opozitare.
Prona ndodhet vetëm 32 kilometra larg nga Finlanda në në rajonin verior të Rusisë, Karelia. Kjo vilë është e shtrirë në bregun e liqenit Ladoga, ka katër kilometra territor dhe mbyllur për publikun për të siguruar privatësinë e Putinit.
Në këtë hapësirë është edhe një fermë lopësh dhe një mini-fabrikë për përpunimin e mishit të freskët, shkruan Indeksonline.
Putin thuhet se e viziton rezidencën të paktën një herë në vit pasi lutet në manastirin e afërt Valaam.
Rojet e Kremlinit përkujdesen për sigurinë e lartë në këtë pjesë. Ndërtimi i rezidencës u financua nga Yury Kovalchuk, një manjat i cili njihet si “bankieri personal i Putinit”.
