Me 18 për qind të popullsisë në varfëri të plotë dhe 5 për qind e tyre në varfëri ekstreme, megjithatë kosovarët dalin se janë mjaftë meraklinjtë në festa, sidomos për ato të fundvitit.
Në këtë periudhë kohore, rreth një e treta e familjeve në Kosovë e festojnë vitin e ri dhe se vetëm 55 për qind kanë blerë produkte me zbritje.
Sipas raportit “Shpenzimet e familjeve kosovare për festat e fundvitit, 2021”, i realizuar nga UBO Consulting, çdo familje në Kosovë shpenzon mesatarisht mbi 150 euro për këto festa.
“64 për qind e familjeve në Kosovë i festojnë festat e fundvitit”, thekson raporti.
UBO Consulting thekson se, 63 për qind e parave për festat e fundvitit shkon në ushqime e pije, 13 për qind për dhurata, 11 për qind për dekorime, 5 për qind të tjera dhe nga 4 për qind për mbrëmje muzikore dhe udhëtime.
Në pyetjen se pse nuk festohet kjo festë, 83 për qind e qytetarëve janë përgjigjur se nuk i përkojnë bindjeve të tyre.
“83 për qind – festat e fundvitit nuk përkojnë me bindjet e mia, 14 për qind – për shkaqe ekonomike, ndërsa 3 për qind – për arsye tjera”, thekson raporti, shkruan Telegrafi.
Një e dhënë statistikë interesante ka dal tek dhuratat. Kur qytetarët janë pyetur se çfarë dëshirojnë për dhuratë, shumica prej tyre kanë deklaruar se duan para të gatshme.
“85 për qind preferojnë para të gatshme si dhuratë, 82 për qind preferojnë bileta për udhëtime, ndërsa 65 për qind preferojnë ta marrin një libër”, vijon raporti.
