Policia e Kosovës ka arrestuar të hënën një 24-vjeçar në Prishtinë, pasi ndaj tij ishte lëshuar urdhër-arrest aktiv për shkak të mosshlyerjes së një gjobe të shqiptuar më herët nga Gjykata.
Burimet e Sinjalit bëjnë me dije se bëhet fjalë për Sh. P., i cili ishte dënuar me 300 euro gjobë për veprën penale “Ngacmim”, por meqë nuk e kishte paguar në afatin ligjor, dënimi i ishte shndërruar në 15 ditë burgim.
Ai u ndalua në rrugën “Blinishta” dhe pas përfundimit të procedurave është dërguar për vuajtje të dënimit në Qendrën e Paraburgimit në Hajvali.
