Rrjetet sociale apo platformat online janë shndërruar në rrugëlidhëse për shumë gjëra.
Përpos pagesave të shumta të cilat mund të bëhen online, qytetarët poashtu mund të bëjnë edhe blerje nga më të ndryshmet pikërisht përmes këtyre platformave.
Por ajo çfarë është shqetësuese në kuadër të këtyre faqeve online, është shpalljet e ndryshme të cilat bëhen.
Një shpallje mjaftë shqetësuese është dhe një kërkesë e bërë në vitin 2019, por që vazhdon të jetë aktive ku dikush kërkon një femër.
Përmes një publikimi në “merrjep”, dikush zgjodhi që të kërkojë femër “seksi dhe të bukur”.
Duke mos u mjaftuar me kaq, personi në fjalë thekson se kërkohet që femra në fjalë të jetë e moshës 19 deri në 26 vjeç.
“Për njohje dhe lidhje argëtuese me vetëm një person, i cili do të paguaj atë më shumë se 1 mijë euro në muaj”, thuhet tutje në publikim.
Poashtu theksohet se e njëjta do të duhet të ndajë pesë orë në ditë, nga 17:00 deri në 22:00.
I njëjti në publikimin e tij ka lënë edhe një email kontaktues.
Siç duket askush nuk po i kontrollon këto publikime, që në një formë apo tjetër po rrisin rrezikun e përdorimit të të rinjve në rrugë mjaftë të rrezikshme që çojnë edhe deri tek prostitucioni.
