Sulmuesi brazilian Neymar ka reaguar në rrjetet sociale pasi nuk u përfshi në listën e fundit të kombëtares së Brazilit nga trajneri Carlo Ancelotti.
Përmes një postimi në Instagram, ylli brazilian falënderoi tifozët për mbështetjen e tyre, duke dhënë një mesazh të shkurtër, por domethënës.
“Faleminderit të gjithëve për mesazhet e mira sot! Besoni procesit, çfarëdo që është e destinuar të ndodhë, do të ndodhë. Duke punuar në heshtje”, shkroi Neymar.
Mungesa e tij në listën e fundit të Brazilit ka shkaktuar diskutime të shumta mes tifozëve dhe mediave sportive, pasi Neymar vazhdon të mbetet një nga futbollistët më të njohur dhe me ndikim të madh në historinë e Kombëtares braziliane./Indeksonline/
