Një person ka vdekur të dielën në Gjakovë, pasi gjatë kohës sa ishte në punë iu kishte përkeqësuar gjendja.
Lidhur me rastin, është intervistuar një dëshmitar nga i cili edhe u njoftua urgjenca. Burime të Klankosova.tv bëjnë të ditur se viktima është Bekim Kastrati, 71 vjeçar.
Sipas të njëjtave burime, dyshohet se Kastrati ka ndërruar jetë gjatë transportit për në Qendrën Emergjente.
Në vendngjarje kanë dalë njësitë përkatëse policore, ndërsa trupi i pajetë është dërguar në Institutin e Mjekësisë Ligjore për obduksion, me qëllim të sqarimit të shkaqeve të vdekjes.
