Javën e kaluar u kompletua gjysmëfinalja e Ligës së Kampionëve, ndërsa tashmë e kemi të qartë se cilët do të jenë katër ekipet pjesëmarrëse në këtë fazë.
Arsenali dhe Interi iu bashkuan Barcelonës dhe Paris Saint-Germainit për ta kompletuar katërshen e madhe të evenimentit më të rëndësishëm të futbollit evropian.
Dhe, pasi u kompletua gjysmëfinalja, është koha për t’i bërë llogaritë, më saktësisht për t’i treguar favoritët e Championsit për këtë edicion.
Për këtë është përkujdesur super-kompjuteri “Opta”, i cili përmes përqindjeve i ka treguar favoritët për të triumfuar në Champions në këtë edicion.
Favorit shihet Arsenali pas suksesit në çerekfinale ndaj Real Madridit, por nuk mbesin prapa as të tjerët, në një nivelizim të paparë ndonjëherë. /Gazeta Express
Favoritët e Ligës së Kampionëve:
Arsenali 28.7%
Interi 25.5%
Paris Saint-Germain 24%
Barcelona 21.8%
