Presidentja e Kosovës, Vjosa Osmani, ka shprehur kënaqësinë për vendimin e Malajzisë që qytetarët e Republikës së Kosovës tani mund të udhëtojnë pa vizë në këtë shtet, për një periudhë deri në 30 ditë.
Përmes një postimi në platformën X, Osmani ka theksuar se ky është një hap i rëndësishëm për forcimin e lidhjeve mes dy vendeve. Ajo gjithashtu njoftoi për planifikimin e hapjes së Ambasadës së Kosovës në Kuala Lumpur gjatë vizitës së saj të ardhshme javën e ardhshme.
“Ky hap i rëndësishëm, i kombinuar me hapjen e ardhshme të Ambasadës sonë në Kuala Lumpur gjatë vizitës sime javën e ardhshme, është një shenjë e qartë se lidhjet midis dy vendeve tona po forcohen çdo ditë e më shumë. I shpreh mirënjohjen time të sinqertë institucioneve të Malajzisë për këtë vendim kuptimplotë. Mezi pres të angazhohem me liderët shtetërorë javën e ardhshme ndërsa punojmë së bashku për të thelluar bashkëpunimin tonë dhe për të avancuar interesat e përbashkëta të popullit tonë”, ka shkruar Osmani.
