Presidentja e Kosovës, Vjosa Osmani në Budapest zhvilloi takim edhe me Presidentin e Lituanisë, Gitanas Nausėda.
Osmani, përmes një postimi në Facebook, thotë se mes tyre u diskutua për thellimin e marrëdhënieve bilaterale ndërmjet dy shteteve, dhe se Lituania do ta mbështesë Kosovën në anëtarësimin në organizata ndërkombëtare.
“Në takim me presidentin e Lituanisë, Gitanas Nausėda, e falënderova dhe ritheksova përkushtimin e Kosovës për thellimin e raporteve bilaterale. Mora konfirmimin e tij se Lituania do të vazhdojë të na mbështesë edhe më tej për fuqizimin e pozitës ndërkombëtare dhe anëtarësimin në organizata ndërkombëtare.”, ka shkruar e para e vendit në Facebook.
