Presidentja e Kosovës, Vjosa Osmani, ka përgëzuar kadetët e rinj që sot diplomuan dhe morën titullin “Oficer i Forcës së Sigurisë së Kosovës”.
Përmes një postimi në rrjetet sociale, Osmani ka theksuar rëndësinë e shërbimit ndaj atdheut, duke vlerësuar lart përkushtimin e kadetëve
“Nuk ka nder më të madh se sa t’i shërbesh atdheut me zemër, me betim dhe me uniformë”.
Presidentja i ka uruar të diplomuarit duke i inkurajuar për angazhim të mëtejmë në shërbim të vendit.
“Urime titullin Oficer i Forcës së Sigurisë së Kosovës për kadetët që diplomuan sot. Marshoni përpara me nder, guxim dhe besnikëri ndaj popullit, flamurit dhe Republikës”.
