OVL-UÇK ka paralajmëruar protestën e radhës në përkrahje të ish-krerëve të UÇK-së që po mbahen në paraburgim në Hagë. Pas asaj në Prishtinë, Hagë dhe Tiranë, e radhës do të jetë në Strasburg të Francës.
Nga OVL-UÇK në një konferencë për media kanë konfirmuar se më 16 nëntor, do të mbajnë protestë para Asamblesë Parlamentare të Këshillit të Evropës në Strasburg.
“Është duke u ba një gjykim që nuk është bë në asnjë vend të botës. Do të protestojmë për ta edhe në protesta tjera”, thanë ata.
Kjo është protesta e radhës pas asaj që u mbajt këtë muaj në Tiranë.
Një tjetër protestë është mbajtur në Hagë, më 14 shtator, një ditë para fillimit të dëgjimit të dëshmitarit të parë të mbrojtjes, ish-ndihmëssekretarit amerikan të Shtetit, James Rubin. Protesta është mbajtur në afërsi të ndërtesës së Gjykatës Speciale, ku morën shumë shqiptarë nga e gjithë bota. /Reporteri.net/
