Është mbyllur pjesa e parë mes Shqipërisë dhe Gjeorgjisë.
Në ndeshjen që po luhet në “Air Albania”, 45-minutëshi i parë u mbyll pa gola, 0-0.
Ishte një pjesë e parë me shumë pak raste nga të dyja anët.
Për Shqipërinë, rastin më të mirë e pati Arbër Hoxha, një goditje jashtë zone por që s’e rrezikoi portierin mysafir.
Edhe Kristjan Asllani e Jasir Asani disa herë goditën fort topin në drejtim të portës së Gjeorgjisë, por dështuan të tundin rrjetën.
Në anën tjetër, gjeorgjianët iu afruan disa herë portës së Strakoshës, e cila për ta ishte e paprekshme.
Posedimi i topit ishte i barabartë nga të dy kombëtaret, me afro 300 pasime të kryera.
Në pushim të pjesës së parë, të dyjat shkuan pa gola, teksa pritet të shihet se cilat do të jenë ndryshimet taktike që do bëjnë trajnerët Sylvinho dhe Sagnol.
