T’i thuash njerëzve se jeni hajvanë, është sikur t’iu thuash jeni hebre. Kjo është ndarje e madhe e shoqërisë.
Kështu u shpreh profesori universitar, opinionisti Rrahman Paçarizi në Rubikon të Klan Kosovës, duke iu referuar fjalorit të kandidatit për kryeministër nga LVV, Albin Kurti, natën pas përfundimit të zgjedhjeve.
“Kurti ka dashur të ndjek dy modele: modeli i parë i tij është Edi Rama për punë pushteti, dhe Vuçiqi në Serbi që ka pushtet kaq të madh. Këtij i është dukur vetja që s’po mundet të hyjë në atë treshen e baballarëve të Ballkanit, dhe ky prandaj ka kërkuar njëjtë si Edi Rama që kërkonte në zgjedhjet e kaluara, e dua krejt tepsinë. Dhe për ta mbërri këtë, ky po kujton, duke mos e ditur në çka po rrëshqet, e unë nuk po guxoj të them se në çka po rrëshqet… Se kur i ndan njerëzit, kur thua ata janë më pak të vlefshëm, ata janë hajavana, ata jetojnë në kohën e hajvanatit, është sikur të thuash ata janë hebre. Kjo është ndarje e madhe e shoqërisë”, u shpreh Paçarizi.
Ai tha se Kurti i sulmon Ramën e Vuçiqin sepse nuk dëshiron të duket sikur po dëshiron t’iu ngjaj atyre.
“Nëse po dukem i ashpër, më beso se jam shumë më i moderuar se ai atë natë kur e ka quajtur një televizion ‘Klan Serbia’, kur i ka quajtur 60% të qytetarëve të Kosovës ‘hajvanë’. E tash kur e quan një popull hajvan kur nuk ta ka jep votën, a don ta detyrosh për të ta dhënë votën, a po do ta përzësh nga këtu?”, deklaroi Paçarozi.
Ndër të tjera, profesori tha se Kurti i ka kërkuar edhe 150 mijë vota, ndërsa i mori 100 e disa mijë më pak.
“Prandaj edhe nuk dolën simpatizantët e LVV të festojnë, derisa u shkaktua problemi te KQZ-ja. Tash po shohim plot postime nga VV e PDK që po thonë se janë bërë shumë dallavere” në KQZ, deklaroi Paçarizi. /Klankosova.tv
