Deputetja e Lëvizjes Vetëvendosje, Fitore Pacolli i ka reaguar kandidatit të LDK-së për kryetar të Prishtinës, Përparim Rama, pasiqë ky i fundit tha se kundërkandidati i tij, Hajrullah Çeku “nuk është as i punës as i fjalës”, transmeton Gazeta Online Veriu.info.
Pacolli ka thënë se arsyeja pse Çeku nuk u përball me kundërkandiatët për kryetar të Prishtinës është se LVV gjatë fushatës nuk merr pjesë në televionin Klan Kosova.
“Përparim, mos u fshih pas skenarëve! Zgjidh cilindo televizion tjetër, kur të duash dhe në çfarë ore të duash, Hajrën e ke aty!”, ka shkruar ndër të tjera Pacolli.
Postimi i plotë:
Lëvizja Vetëvendosje! ka vendosur që gjatë fushatës të mos marrë pjesë në Klan Kosova.
Përparim Rama e zgjodhi me qëllim këtë televizion, sepse e ka ditur paraprakisht që ne nuk shkojmë aty.
Përparim, mos u fshih pas skenarëve! Zgjidh cilindo televizion tjetër, kur të duash dhe në çfarë ore të duash, Hajrën e ke aty!
