Kreshnik Hajrizi dhe Ilir Krasniqi nuk do të jenë pjesë e ndeshjes së sotme ndaj Komoreve, për shkak të lëndimeve të lehta.
Pas vlerësimeve të bëra nga stafi mjekësor dhe në konsultim me trajnerët, është marrë vendimi që dy lojtarët të pushojnë për të shmangur ndonjë përkeqësim të gjendjes së tyre.
Ndeshja do të zhvillohet sot në ora 19:00 në stadiumin “Fadil Vokrri” në Prishtinë, ku Kosova do të kërkojë një tjetër fitore para publikut vendas.
Pavarësisht mungesave, atmosfera në kampin e Dardanëve mbetet pozitive dhe me fokus të plotë te rezultati.
