Kryetari i Obliqit, Halil Thaçi ka bërë betimin si kryetar para qytetarëve, transmeton Gazeta Online Veriu.info.
Thaçi ka premtuar para qytetarëve punë çdo ditë, me integritet dhe me vendosmëri.
Postimi i plotë:
Sot u betova si Kryetar i Komunës së Obiliqit.
U betova para qytetarëve, para historisë sonë dhe para sakrificës së atyre që nuk janë më me ne, por që na e sollën lirinë. Dëshmorët janë arsyeja pse sot flasim për punë, për drejtësi dhe për të ardhmen e komunës sonë.
Ky besim që më dhatë nuk do të trajtohet si privilegj.
Ky është obligim.
Obligim për punë të ndershme.
Për transparencë.
Për llogaridhënie.
Do të dëgjojmë.
Do të punojmë.
Do të zbatojmë ligjin, pa frikë e pa favor.
Para nesh ka sfida. Por ka edhe mundësi.
Ne duam zhvillim ekonomik, ajër më të pastër, arsim më të mirë, shëndetësi më moderne.
Premtoj punë çdo ditë, me integritet dhe me vendosmëri.
Faleminderit për besimin!
Tani nis puna.
Halil Thaçi
