Ditë më parë ministri i Kulturës, Rinisë dhe Sportit, Hajrullah Çeku, deklaroi se kjo ministri ia ka ndalur financimin Federatës së Futbollit të Kosovës për shkak të kuvendit të fundit zgjedhor ku kryetar me shumë parregullsi dhe polemika u zgjodh edhe për një mandat Agim Ademi, raporton Gazeta Online Veriu.info.
Pas kësaj deklarate ka reaguar edhe klubi futbollistik Vitia.
Ky klub përmes një postimi në Facebook ka thënë se futbolli kosovar ka mbetur peng e tash edhe pa financa, shkak i një njeriu i cili për të ruajtur pozitën e tij me çdo kusht ka degraduar futbollin dhe ka ulur imazhin e tij.
“Fjalosje, rrahje , shantazhe, probleme me ligjin, keqpëdorim fondesh e kurdisje të ndeshjeve janë lajmet me të shpeshta të cilat raportohen në portalet tona në Kosovë, ku adresen e kanë nga një burim: Federata e Futbollit e udhëhequr nga Agim Ademi.” – shkroi FC Vitia.
Çeku ka treguar se MKRS-ja nuk ka nënshkruar memorandum bashkëpunimi me Federatën e Futbollit të Kosovës për financimin e saj.
FFK-ja është ndër Federatat e pakta, mbase Federata e vetme e madhe sportive, që shteti ia ka ndalur financimin.
FFK-ja është Federata e vetme dhe e madhe sportive në vendin tonë që nuk ka përkrahje financiare nga Ministria përkatëse.
Tutje, i pari i MKRS-së foli edhe për kryetarin e FFK-së, Agim Ademin, për të cilin tha se me të duhet të merren Gjykatat dhe institucionet tjera.
“Nëse më thoni se ai [Agim Ademi] ka probleme me ligjin, janë institucionet tjera që ishte dashtë me trajtu këtë rast. Ka edhe Federata tjera problematike. Në disa raste kemi shkuar deri në pezullim të licencave. Unë i përdori mjetet që kam në dispozicion, ligjore. Por, nuk provoj të përdori afërsi me Federatat”, deklaroi Ministri Çeku.
Postimi i FC Vitia:
Shqetsuese!!!
Shteti ka ndal financimin për FFK-në, potencoi Ministri i Sportit z.Hajrullah Çeku!
Për shkak të keqpërdorimeve, zgjedhjeve të kunderligjëshme në FFK , futbolli ka humb përkrahjen e shtetit dhe i janë ndalur financat.
Futbolli ynë ka mbetur peng tani edhe pa financa , nesër edhe pa licencë, shkaku i një njeriu i cili per ti ruajtur me çdo kusht postin e të parit të FFK-së, ka degraduar dhe ka ulur imazhin e futbollit tonë.
Fjalosje, rrahje , shantazhe, probleme me ligjin, keqpëdorim fondesh e kurdisje të ndeshjeve janë lajmet me të shpeshta të cilat raportohen në portalet tona në Kosovë, ku adresen e kanë nga një burim: Federata e Futbollit e udhëhequr nga Agim Ademi.
Boll mo, tani duhet Klubet ta thonë fjalën e vet.
Me respekt FC Vitia.
